Dende a portela da serra calva (1520 m.s.n.m.), no límite do Concello da Veiga e o municipio de Porto de Sanabria, a senda percorre un territorio con abondosas lagoas e charcas estacionais.

No inicio avanza en dirección nordeste ata o cumio do Sestil da Calva (1757 m.s.n.m.) e logo cara á Lagoa de Ocelo. Esta senda conecta aquí co PR-G 200 e coincide co seu trazado ata a Lagoa da Serpe.

Posteriormente segue ata preto do nacemento do río Xares para xuntarse co PR-G 198.

O trazado da Integral da Serra Calva acumula 21km, pero haberá que reservar forzas para regresar outro tanto pola mesma senda ou baixar ata Vilanova ou á Ponte mediante os outros sendeiros. É unha ruta esixente, apta únicamente para facela completa en verán e con bo tempo, que precisará dunhas 7 horas só dende as Lagoas de Pena Trevinca.

Pero o retorno pode precisar do mesmo tempo, salvo que descendamos ás poboacións antes indicadas.

Non hai fontes durante o percorrido.

Ano Homologación	2016
Punto de partida/chegada	Portelo de Serra Calva - As Lagoas das Tablillas (Estrada de Valdín (A Veiga) a Porto de Sanabria) Estrada de montaña
Accesos	Portelo de Serra Calva - As Lagoas das Tablillas (Estrada de Valdín (A Veiga) a Porto de Sanabria) Estrada de montaña
Puntos de interese:	Lagoallos da Serra Calva, o Sestil da Calva, Pico de Ocelo, Lagoa de Ocelo, Lagoa da Serpe, Alto de Turrieiro, nacemento do río Xares, Pena Trevinca.
Enlaza con	PR-G 198 e PR-G 200

Horario:	15 horas (ida e volta)	4	severidade do medio natural
Desnivel de subida:	1560 m. (i/v)	3	orientación no itinerario
Desnivel de baixada:	1560 m. (i/v)	2	dificultade no desprazamento
Distancia horizontal:	42 km. (i/v)	5	cantidade de esforzo necesario
Tipo de percorrido:	lineal (ida/volta)	Mapas IGN 1:25.000: 228-IV, 229-III
(www.euromide.info)