BTT Trevinca é un punto deportivo-turístico que ofrece unha ruta para bicicleta de montaña e sendeirismo ,a Senda Verde do Xares, e unha serie de equipamentos e servizos complementarios para disfrutar da riqueza paisaxística do Encoro de Prada e do espazo natural “ Pena Trevinca” .

Atopamos nesta ruta: praias e areais, aldeas ribeireñas, illas e “ esa brisa que, aínda nos veráns mais calorosos, vai enguedeñando toda herba que medra nos prados e lameiros do Xares”. A natureza constitúe o atractivo máis importante deste punto turístico-deportivo . As augas caladas e miúdas do encoro de Prada permiten desfrutar das Praias dos Franceses e de O Coiñedo , do Catamarán St. Ma. De Alberguería , descubrir a bordo dunha piragua os areais máis recónditos e solitarios, realizar rutas de sendeirismo acompañados polo manto verde dos prados e bosques de Trevinca.

BTT Trevinca presta os seguintes servizos:

• Distribución de folletos informativos.
  
• Información sobre os recursos turísticos que se encontran ao longo dos circuitos.
  
• Aluguer de bicicletas todo-terreo e outro material deportivo.
  
• Aparcadoiro de bicicletas e vehículos a motor.

Consellos e Recomendacións:

• Informarte da ruta a facer e o tempo previsto.
  
• Emprega casco e chaleco reflectante.
  
• Respeta as normas de circulación e a prioridade dos camiñantes.
  
• Respeta o entorno natural.
  
• BTT Trevinca non se fai responsable do uso inadecuado dos itinerarios nin das imprudencias dos usuarios.